Phir wahi din, phir wahi subah. Phir wahi jaldi office bhaagne ki. Auto se utar ke daud ke card punch karna. Aur dekhna phir aaj 10 baj ke 1 minute ho gaye. Aaj phir late mark lag gaya. Moondhi-moondhi ankhon se computer khola. 2 cup coffee ke baad bhi ankhon se neend hi nahin jaati. Coffee sabki neend khol deti hai. Meri neend kab khulegi?
Mujhe bola ek ad ki headline chahiye. ‘is diwali patakhon se zyada aapke baal chamkenge’. Chhapne chala gaya. Jhooth bola maine logon se. Shayad is ad ko padh ke hazaaron log yeh tel khareedenge. Maine jhooth bola aur logon ne maan bhi liya. Main kyon kuch nahin karta. Lekhak hoon. Kuch toh aisa kar sakta hoon jo duniya badal de. Meri neend kab khulegi?
Bas yeh do paragraph likhne ke baad hi mann oob gaya. Mann hua band kar doon. Zindagi is tarah soyi hi achchi hai. Jaagegi toh khoob hudh-dang machaayegi. Bilkul us bachche ki tarah jo thak kar is tarah soya hai ki bahot masoom lag raha hai. Andar se dil chahta hai ki jaga doon. Lekin jag gaya toh intezaar rahega ki kab soyega. Bas aisi hi hai thodi si zindagi. Jab jaagti hai toh sochte hain kab soyegi. Aur jab soti hai toh sochta hoon, neend kab khulegi?
Aas paas logon ko dekhkar ajeeb si koft hoti hai. Swaarthi hain? Bekhabar hain? So rahe hain? Mar gaye hain? Unhein woh kyon nahin dikhta jo mujhe dikhta hai? 4 by 4 ke in cabins mein khud hi sadte hain aur sham ko nikale vaqt shikaayatein is tarah karte hain jaise galti toh poori duniya ki hai. Unhein is neend se kaise jagaoon. Joota sungha kar? Ya dhol bajaa kar? Kyon apni duniya mein kaid hain sab. Kyon kshitij ke pare nahin dekh paate. Main agar jag bhi gaya toh sochta hoon, unki neend kab khulegi?
Ghar ki deewaron ko bahot sundar banaaya hai maa ne. Jab dinbhar jaagne ka naatak kar ke ghar pahonchta hoon, toh duniya sundar dikhne lagti hai. Unka haath ka khaana woh khud bina khaaye so jaati hain. Lekin Matar paneer toh unko waise bhi pasand nahin. Phir bhi banaaye hain. Bukhaar bhi tha aaj thoda. Lekin mere kamre mein jo kapde bikhre they, woh tay kiye almaari mein rakhe hain. Ghar mein ek batti faaltu nahin jalti. Water filter se paani nikalta hai, woh paudhon ko milta hai. Khaane ka ek bhi tukda fainka nahin jaata. Akhbar ka har panna unki wajah se recycle hone jaata hai. Kitaabon ka ek bhi akshar unhein padhna nahin aata, phir bhi kitaabon ki izzat karna koi unsey seekhe. Bina padhe, bina seekhe, kaise pal bhar mein woh duniya badal deti hain. Raat bhar soyi huyi bhi lagta hai jag rahi hain. Unhein neend kyon nahin aati?
Mujhe bola ek ad ki headline chahiye. ‘is diwali patakhon se zyada aapke baal chamkenge’. Chhapne chala gaya. Jhooth bola maine logon se. Shayad is ad ko padh ke hazaaron log yeh tel khareedenge. Maine jhooth bola aur logon ne maan bhi liya. Main kyon kuch nahin karta. Lekhak hoon. Kuch toh aisa kar sakta hoon jo duniya badal de. Meri neend kab khulegi?
Bas yeh do paragraph likhne ke baad hi mann oob gaya. Mann hua band kar doon. Zindagi is tarah soyi hi achchi hai. Jaagegi toh khoob hudh-dang machaayegi. Bilkul us bachche ki tarah jo thak kar is tarah soya hai ki bahot masoom lag raha hai. Andar se dil chahta hai ki jaga doon. Lekin jag gaya toh intezaar rahega ki kab soyega. Bas aisi hi hai thodi si zindagi. Jab jaagti hai toh sochte hain kab soyegi. Aur jab soti hai toh sochta hoon, neend kab khulegi?
Aas paas logon ko dekhkar ajeeb si koft hoti hai. Swaarthi hain? Bekhabar hain? So rahe hain? Mar gaye hain? Unhein woh kyon nahin dikhta jo mujhe dikhta hai? 4 by 4 ke in cabins mein khud hi sadte hain aur sham ko nikale vaqt shikaayatein is tarah karte hain jaise galti toh poori duniya ki hai. Unhein is neend se kaise jagaoon. Joota sungha kar? Ya dhol bajaa kar? Kyon apni duniya mein kaid hain sab. Kyon kshitij ke pare nahin dekh paate. Main agar jag bhi gaya toh sochta hoon, unki neend kab khulegi?
Ghar ki deewaron ko bahot sundar banaaya hai maa ne. Jab dinbhar jaagne ka naatak kar ke ghar pahonchta hoon, toh duniya sundar dikhne lagti hai. Unka haath ka khaana woh khud bina khaaye so jaati hain. Lekin Matar paneer toh unko waise bhi pasand nahin. Phir bhi banaaye hain. Bukhaar bhi tha aaj thoda. Lekin mere kamre mein jo kapde bikhre they, woh tay kiye almaari mein rakhe hain. Ghar mein ek batti faaltu nahin jalti. Water filter se paani nikalta hai, woh paudhon ko milta hai. Khaane ka ek bhi tukda fainka nahin jaata. Akhbar ka har panna unki wajah se recycle hone jaata hai. Kitaabon ka ek bhi akshar unhein padhna nahin aata, phir bhi kitaabon ki izzat karna koi unsey seekhe. Bina padhe, bina seekhe, kaise pal bhar mein woh duniya badal deti hain. Raat bhar soyi huyi bhi lagta hai jag rahi hain. Unhein neend kyon nahin aati?
